煩

呢排好煩，首先係查查出走，佢百厭到走出門口 (我都有錯)，越叫越走，搵左一個星期都搵唔到，我到宜家重好擔心佢，唔知去左邊，有人收養左？食唔食得慣 d 野？有無雞肉味o既小食？有無毛毛棒玩？有無比人蝦？ 有無掛住細佬同我 (實無啦)？唉... 呀)))))))))
第二樣野煩，就係師父又叫我 出番去幫佢手，field 同 internal 好唔同，field 就好似去戰場打杖，好注重時間同人手，我師父就係大統領，要有幾個幫得手o既將領，我就係佢一手帶上位o既將領，但當我幫佢打左幾年仗，身心都好倦，可能 我唔識解壓，所以我決定離開戰場，返去下線o既工作，即係宜家o既 internal ，都有三四年咯！其間師父都叫左我幾次幫手，但今次佢真係無人幫 (佢講)，星期六晚約食飯，到場有兩個無聯絡同期帥弟，有一個我以前手下，其餘兩個唔識，師父大人當然使出佢個 d 軟硬兼施o既說話，有講有 d 咩野大計，總之一大堆廢話，我無應承佢 d 咩野，比時間我考量下啦！不過佢講左一句：「你都換左甘耐拖板啦！出面世界 d 野變o西啦！你帶番一隊人出黎，唔係要搵好多好多錢，係要話比呢一行 d 人聽，你隊人有幾 fit‧」的確，I.T. 呢行我真係知少左好多，識o既人已經少之有少！ 小小 project 都攪一大爛餐先攪掂，唉... 呀 ))))))))
如果所有野變得簡單 d，查查又番屋企，甘 ....... 就 ......... 好 .........

好心做壞事

我身邊有 d 朋友 (相識少過十年個 d)，都會為我心急 (或奇怪)，我應該有個女伴，硬要說他某某好o岩我，硬要將某某同我拉埋一齊，亦好奇怪我會甘抗拒或者去迴避，我都好明白佢地o既心態，佢地無錯，因為佢 地多數都係結左婚或者正在熱戀中，人係呢個時候，都係好開心，開心到希望身邊每一個人都好似佢甘開心，所以特別希望朋友中有個係獨身o既話，總會不自覺或 有意幫朋友搵個伴‧呢 d 唔係叫多事，完全係好朋友o既表現‧我都曾經好似佢地甘，係拍拖o既時候，亦係甘介紹女仔比我 d 朋友‧所以我都明白佢地、亦都好多謝佢地‧
但每一個人都係一個故仔，如果未知個故仔始末，就一廂情願去自以為可幫手，甘就真係好心做壞事o路‧我並唔係個 d 終日留戀昔日o既人，但記憶就係記憶，有 d 真係忘記唔到，當呢 d 記憶再浮現，個心真係痛一痛、o那一o那，個種感覺真係好辛苦，亦控制唔到‧我宜家就好辛苦‧
可能我平時亂說話同羅便宜 (語言上)，比人一個感覺我係好積極去溝女，其實我只係唔想去諗痛苦o既記憶‧如果無得撩女仔，我就會攪到自己好忙，接多 d 野番黎做‧所以我越撩女仔或越忙，可能就係我最唔開心o既時候！好似好可悲，但係呢個係事實，係我自己，係我o既故仔...

o訓唔著

好耐無更新個 blog，一來真係好忙，呢一個月接左兩隻貓 b -- 矇矇查查‧將我同肥波o既生活倒轉再倒轉‧起初想波仔可以有朋友仔可以同佢玩，但波仔好似唔係好接受兩隻 b，每天我返黎o既時候，他只係o係門口喵我幾聲，要我幫佢按摩幾下，跟住就跳上櫃頂收埋自己，完全唔同兩隻 b玩，已經一個月了，佢仍然係甘‧我真係好擔心佢，每日都盡量同佢玩同埋傾計，等佢知道我仍然最鍚佢‧其實波仔好可憐，當佢得一個月o既時候，我在屋企樓 下見到佢，佢好瘦同埋全身濕o西，不停係度震‧本來我已入左地下大閘，佢仍然用軟弱o既聲音喵左我兩聲，我回頭望住佢，佢見我望住佢，佢似乎想行過我度， 但因為無力，只係手仔不停撥，我真係唔忍心，如果o個晚我不救佢，佢第二朝一定死，當時我住係土瓜灣，係租套房住，我同包租公講，只要救生佢，過兩日會放 佢返出街，最後當然無啦，因為佢好懂事同好乖，一星期之內，我知道我係唔可以忍心再棄置佢返出街，連包租公都唔忍心趕佢走，就算包租公唔俾養，我都會搵第 二度租啦！呢四年佢同我都相處得好好，有好開心，有好唔開心o既時候，佢都係我左右，佢比我之前o既貓咪更懂事同乖‧但宜家佢好似好唔開心，我都好唔開 心，一心本來想佢無o甘悶，搵隻小朋友陪佢，令佢開心 d，反而令佢好唔開心甘，都只怪我一廂情願為佢好，原來事實係重衰左‧唉... 成世人都係甘‧
人 - 我就成日估計錯誤o者，連我 d 貓咪都估錯，我真係失敗‧真係好希望識得聽佢講野，等佢教我做人‧

"老"朋友

今日放工去左馬山食飯，同兩個 "老"朋友去左一間 ok 得o既餐廳，經朋友一提我們已認識八年，其實之前應該有六、七個人係酒店工作認識，仲好記得大班人去玩去食飯，宜家只剩低我地三個，其他人都好少聯絡，佢 地各有各忙，有 d 忙工作、有 d 忙家庭，我諗最主要原因係我地三個仲有少訐童真，唔好聽 d 講句就係幾百厭！
但有一位朋友話計劃會離開香港返加拿大，到時只剩低我同"老"小姐‧哈哈哈... 但我覺得人生每個時候都會有一些朋友、一些敵人，有 d keep 好耐，有 d 好短暫‧但我覺得做朋友 keep 住 "君子之交淡如水" ，一定可以 keep 好耐！
今晚食飯好好，1) 餐廳食物同氣氛都 ok，2) 同自己"老"朋友一齊可以諗乜就講乜，3)因為我星期日生日，唔駛夾錢，哈哈哈哈 ^_^ ....

世界中心呼喚愛

昨天終於下載左一套戲，我 download 左成個星期，因為係 dvd 版 (4GB)，呢套戲係戲院播o既時候，已經聽好多評語，咩野 "男仔睇左一定會哭"，當時我也懶理，從來都唔想睇愛情文藝片，所以無打算睇，但有個朋友話想要，叫我幫佢 download 同埋燒鍱，燒完之後，我習慣睇一睇有無問題，起初都無打算睇完，但睇了一陣就睇落去，但都係睇左一半，因為已經哭到睇唔到野，同埋我都跟唔到劇情，因腦理 都唔知轉左去我和她的事，當一套戲可以令我記起她的，我通常都唔會睇，她的離開，就好似昨天一樣，但時間已過左十八年，我的心哭左十八年，但我仍然記得她 的笑容，由於沒有照片，我每天都好努力記低佢個樣，記低我地去玩的情形，記得我地鬧交的說話‧
佢改變我對事情既睇法，佢改變我看不起之後的幾段情，佢令我失戀，佢令我不懂再去愛，佢令我開始養貓的日子，雖然她走左之後一年，"波板"也走左了‧之後 o既 "波波"、"黑波"、"肥波"，我都好一霜情願地當左貓地係佢，有時我的朋友都會奇怪我接近十年無主動去結識女性，只係每天做一個貓奴，回家陪貓地玩、 食、o訓！我亦無解釋！
如果我和她一起的時候，已經有 blog 就好啦，可以每天都記低我和她的事！
如果...

結婚.....晚宴

今晚去左一個朋友o既結婚晚宴，都唔明有 d 人大約半年先見一次，都可以請人去撼，但係都有一個人會去，o個個就係我，之所以我會去，全因為一個 "愛"字，雖然同呢班朋友係舊同事時間只有半年，但都可以 keep 住出黎見下面，維持左有 4、5年，我唔知其他人點諗，可能佢地覺得係友誼，但我一路都係一個目的，只想見一個人，真係！只係想見一見她！我沒有她的電話號碼、沒有她的背景資料、 甚至無同佢講個一句說話！佢更加可能無留意到我係甘在意佢！但我仍然想見她！看一眼已經好足夠，感覺真係好舒服！就算呢幾年係我人生中最低潮，只要見一見 她，我就好似一舊义電再义滿甘！甘多年，沒有行動，全因我的經驗→"愛她反而害她"‧雖然每次返屋企o既時候，都有少少傷感，但好快會無事 (我已為...)‧

o訓唔夠

係第一篇 blog 之前，爭扎左一番，究竟用咩型式去寫呢！用正統的中文語法，定係用番地道香港 o既廣東話，最後選擇用廣東話，因為又唔係 d o麥野正式報告，又唔駛比人睇，只要自己明白就得啦‧這個 blog 最主要目的就係比我發洩同記低一 d 我同貓地回憶吧！希望我有恆心寫下去啦 .... hehe ... ^_^...